Ko te kaupapa o Mahuru Māori tētahi wero reo i puta mai i a Paraone Gloyne i te tau 2014. He hiahia nōna kia rangona whānuitia te reo, e puta hoki ai ki te ao o te ia rā. Nō reira ko te wero, kia reo Māori te reo whakawhitiwhiti (kōrero, tuhituhi, waiata, katoa e puta ana i a koe he reo Māori) mō te marama o Mahuru, ahakoa ki a wai, ahakoa, ki whea, ahakoa āwhea kōrero ai te tangata, me Māori te reo.
He wero a Mahuru Māori mā tēnā mā tēnā, mā tātou tahi hei hiki, ahakoa te taumata o te mōhiotanga ki te reo Māori. Ko te ngako, ko te kōrerotia o te reo i ia rā o te marama o Mahuru.
Māu anō e whiriwhiri ko tēwhea taumata i te tīmatatanga o te marama ki tāu e mōhio nei, e taea ana e koe te whakatutuki. Anei:
Kātahi ka kōrero/tuhituhi/waiata koe i te reo Māori i te marama o Mahuru ki tā ō whāinga nāu anō i whakarite. Rēhita mai ināianei ki tēnei Mahuru Māori i tēnei tau tonu nei, ā, mā mātou koe hei whakamōhio ki ngā rauemi ako, ki ngā hui reo, ki ngā ihirangi āwhina hei ārahi i a koe kia tutuki pai ai ō ake whāinga ā reo.
Māu e āwhina te ekenga panukutanga o Mahuru Māori me te whakarauora hoki i te reo. Kia pēnei noa iho:
Kia takatū ake! Rēhitangia tō kawenga ki te Mahuru Māori i tēnei tau, i tēnei rā tonu. Mā mātou koe e whakamōhio ki ngā rauemi ako, ki ngā kaupapa reo, ki ngā āwhinatanga e kore ai koe e kotiti i tēnei huarahi, e tutuki ai tō whāinga ā-reo Māori.
© Te Wānanga o Aotearoa
