E rikarika ana koe ki te wero o Mahuru?

Kōrero mai, tuhi mai, waiata mai…ahakoa pēwhea mai tō whakawhitiwhiti i tēnei Mahuru, whakamahia i te reo Māori. He māmā, he hangareka, ā, he ara pai ki te ako. 

Māu tō wero e whakarite. I taua wā tonu, ahakoa kōrero atu ki a wai, kōrero i whea rānei, whakamahia i te reo Māori anahe.

Ko ētehi kei te kāinga e whakamahia ana, ko ētehi kei te kura, ko ētehi atu kei te whakamahia i te ao, i te pō, rā atu, rā mai, ka mutu, kua tīmata ngā tauhou ki te mihi me te poroaki.

Play Video

Te Whakamahinga

Ahakoa he aha e kaha ai te whakakōrerohia ōu. Kotahi hāora i te rā, he haurua o te rā, te katoa o te rā ia rā rānei, me he tauhou, kia tīmata noa ake ki te mihi, ki te poroaki i te reo Māori.

2. Toro atu ki ō hoa

Rapua he rōpū o ōu hoa, o ōu whanaunga, o ōu kaimahi rānei, torohia atu, ā, whakaritea he mahere kia kōrero tahi ai ā-ipurangi. Ka nui noa atu te ngahau, ā, kia ū, kia hāneanea ake anō hoki tō wāhi reo.

3. Kōrerohia te reo Māori

Kia kaha ake te kōrerohia o te reo i te Mahuru. Ia wā ka pērā, e whakarauora ana koe i te reo, e whakatō ana koe i te mauri ora ki te arero tupuna. Nō reira, kia māia, kia rangatira, kia manawanui.

Ka kawea e mātou te wero o Mahuru. Ā koe?

Nau mai, haere atu tēnei kawenga mihi ki a Ngāi Pīkoko mā, koutou te hunga e whakapeto ngoi ana kia mate-kore ai tō tātou reo rangatira, tēnā koutou! Rarau mai anō ki tā tātou kaupapa e mahuru mārie ai te ngākau Māori, otirā, e Māori tonu ai te marama o Mahuru!

Paraone Gloyne

Rukuwai Allen

Erica Sinclair

Kei te kawea e mātou katoa te wero i tēnei tau o Mahuru Māori. Ko te whāinga, ko te ako me te whakapakari i te māia ki te kōrero i te reo Māori i ō tātou nā ia rā. Ko ētehi o tātou kātahi anō ka tīmata, ko ētehi atu ka rūmakina mō te roanga atu o te rā, ia rā. Nō reira, pānuitia ētehi atu o ā mātou kōrero ki konei..

Ka tīmata te Mahuru ā tērā tau e ai ki te maramataka Māori ā te 27 o Ākuhata 2022.

Nga rā
ngā hāora
ngā miniti
ngā hēkene